ᱫᱷᱤᱨᱤ

ᱫᱷᱤᱨᱤ ᱫᱚ ᱠᱮᱴᱮᱡᱼᱟ ᱟᱨ ᱦᱟᱢᱟᱞᱟ ᱱᱤᱨᱚᱲᱟ ᱾ ᱠᱮᱴᱮᱡ ᱟᱨ ᱦᱟᱢᱟᱞ ᱠᱷᱟᱹᱛᱤᱨ ᱵᱚᱝᱜᱟ ᱦᱚᱸ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ ᱾ ᱫᱷᱤᱨᱤ ᱫᱟᱱᱟᱝ,ᱫᱷᱤᱨᱤ ᱵᱮᱲᱦᱟᱭ,ᱫᱷᱤᱨᱤ ᱞᱟᱛᱟᱨ ᱫᱷᱤᱨᱤ ᱪᱚᱴ ᱨᱮ ᱵᱚᱝᱜᱟ ᱠᱚ ᱛᱟᱦᱮᱸᱱᱟ ᱾ ᱚᱱᱟᱛᱮ ᱫᱷᱤᱨᱤ ᱫᱚ ᱵᱚᱝᱜᱟ ᱥᱟᱶ ᱵᱚ ᱜᱚᱰᱟᱜᱼᱟ ᱟᱨ ᱵᱚ ᱡᱚᱦᱟᱨᱟᱜᱼᱟ ᱾

ᱜᱚᱲᱦᱚᱱ

ᱫᱷᱩᱲᱤ ᱠᱷᱚᱱ ᱜᱤᱛᱤᱞ ᱠᱷᱚᱱ ᱵᱟᱹᱞᱤ ᱠᱷᱚᱱ ᱜᱩᱰᱤ ᱠᱷᱚᱱ ᱫᱷᱤᱨᱤ ᱵᱮᱱᱟᱣᱜᱼᱟ ᱾

ᱨᱚᱝ ᱞᱮᱠᱟᱱ

ᱯᱩᱸᱰ, ᱦᱮᱸᱫᱮ, ᱟᱨᱟᱜ, ᱯᱮᱸᱰᱚᱜ, ᱡᱤᱲᱤᱵ, ᱦᱟᱹᱨᱭᱟᱹᱲ ᱫᱷᱤᱨᱤ ᱢᱮᱱᱟᱜᱼᱟ ᱾

ᱜᱚᱲᱦᱚᱱ ᱞᱮᱠᱟᱱ

ᱢᱟᱠᱲᱟ ᱫᱷᱤᱨᱤ, ᱞᱟᱴᱷᱮ ᱫᱷᱤᱨᱤ, ᱟᱴᱮᱫ ᱫᱷᱤᱨᱤ, ᱟᱴᱟᱞ ᱫᱷᱤᱨᱤ ᱢᱮᱬᱦᱮᱫ ᱫᱷᱤᱨᱤ, ᱥᱚᱱᱟ, ᱨᱩᱯᱟᱹ, ᱦᱤᱨᱟᱹ ᱮᱢᱟᱱ ᱫᱷᱤᱨᱤ ᱢᱮᱱᱟᱜᱼᱟ ᱾

ᱪᱮᱫᱚᱜ

ᱫᱷᱤᱨᱤ ᱞᱮᱠᱟ ᱢᱚᱱᱮ, ᱡᱤᱣᱤ, ᱦᱚᱲᱢᱚ ᱠᱮᱴᱮᱡ ᱢᱮ ᱾ ᱫᱷᱤᱨᱤ ᱟᱞᱚᱢ ᱞᱤᱣᱤᱫᱚᱜᱼᱟ ᱾ ᱫᱷᱤᱨᱤ ᱞᱮᱠᱟ ᱱᱤᱨᱚᱲᱚᱜ ᱢᱮ ᱾ ᱮᱱᱠᱷᱟᱱ ᱟᱢ ᱴᱷᱮᱱ ᱦᱚᱸ ᱵᱚᱝᱜᱟ ᱫᱟᱲᱮ ᱛᱟᱦᱮᱸᱱᱟ ᱾

ᱞᱟᱹᱜᱽᱛᱤ

ᱫᱷᱤᱨᱤ ᱛᱮ ᱫᱚ ᱚᱲᱟᱜ, ᱦᱚᱨ, ᱵᱚᱝᱜᱟ, ᱢᱩᱴᱷᱟᱹᱱ, ᱢᱟᱞᱟ, ᱢᱩᱫᱟᱹᱢ, ᱮᱢᱟᱱ ᱛᱮᱭᱟᱜ ᱵᱮᱱᱟᱣᱜᱼᱟ ᱾